"Dadka qaar shaqooyinka ay hayaan iyo xaaladaha ay ku noolyihiin waxa ay ku jireen muddo badan. Ugu danbayn waxa ay aamineen in ay intaas keliya tahay inta ay noloshuba u hayso. Waasee aaminsanaan qaldan oo ay sababtay ku celcelinta iyo muddada dheer ee ay ku jireen xaaladaa amma shaqadaa. Waxay u baahantahay wakhti iyo tamar in la burburiyo aaminsanaantaasi. Waxase ka degdeg badan in uu qofku gaadho darajo uu xammili karo waayo dareenkaas. Goorma ayaad dhakhtarka tegtaa? Marka uu laxawgu jiif iyo joogba kuu diido. haddiise aanu xanuunku faro kulul kugu hayn waad iska sii socsocon adiga oo bukaan socod ah. Tan waxa u dhiganta in dad badani ugu sii adkaystaan xaalado iyo shaqooyin ay u arkaan dani ku baday iyo qushiye iska wado ah oo aan qorshe ka danbayn. Waad bedeli kartaa oo furi kartaa albaabo cusub oo noloshaada dhinaca kale u jeediya."
#Waamarkaagii!
No comments:
Post a Comment